Ո՞րն է մարդկային գլխավոր թերությունը կամ կարդալով Զահրատ

Զահրատը գրում է մի փոքր հեգնանքով, կատակելով, սակայն իր ասածը կարողանում է տեղ հասցնել: Օրինակ՝ ընտրել է Կիկո հերոսին, ու նրա միջոցով ցույց է տալիս, թե ինչպիսի կեղծ, անիմաստ, արհեստական սովորույթներ կան մարդկանց մեջ:

Երևի թե նա չի կետադրել իր ստեղծագործությունները, որ ավելի բնական լինի, կամ որ ընթերցողը կարդա այնպես՝ ինչպես հասկանա:

Նրա բանաստեղծություններում երևի ուրախություն կա, որի պատճառը նրա հումորով գրելաոճն է: Ինձ թվում է, որ միայն Կիկո անունն էլ հուշում է ստեղծագործության ոճի մասին: Ինչպես նշեցի, նա իր ստեղծագործություններում ցույց է տալիս մարդկային անիմաստ ու արհեստական սովորույթները, բայց բացի դրանցից, Զահրատը գրում է մարդկային թուլությունների մասին:

Մարդ արարածը ունի բազմաթիվ թերություններ, որոնցից են ներողամիտ չլիները, չարությունը դիմացինի հանդեպ, դժկամությունը և այլն: Սակայն գլխավորը ներողամիտ չլինելն է, քանի որ դրա պատճառով չեն վերանում խռովությունները, առաջանում են նորերը … Աստվածաշունչն ասում է, որ միշտ ներողամիտ պետք է լինել, որի վառ օրինակն է «Անառակ որդու վերադարձը» հատվածի հոր ներումը: Տարիներ առաջ, երբ դասարանում ընթերցում էինք Աստվածաշնչից հատվածներ, կարծում էի, թե չի կարելի անընդհատ ներել մարդուն նույն սխալի համար, բայց հիմա երևի մեծացել եմ, ու դրա համար էլ այդպես չեմ կարծում: Մարդ ինչ էլ անի, նրան անպայման հնարավորություն պետք է տալ իր սխալը շտկելու համար: Ինքս էլ միշտ հնարավորինս ներողամիտ եմ, չեմ կարոաղնում որևէ մեկի հետ երկար ժամանակ նեղացած մնալ, չխոսել նրա հետ: Ես էլ եմ կոչ անում, որ լինեք ներողամիտ, դա միայն Ձեզ պատիվ կբերի ու մարդկանց կողմից կլինեք սիրված:

Չարությունն ու դժկամությունը նույնպես շատ վատ ու բավականին վտանգավոր թերություններ են: Մարդը իր շահի, իր հասույթը չկորցնելու համար ընդունակ է անել այնպիսի բաներ, ինչպիսիք են սպանությունը, դիմացինին մարմնական, հոգևոր վնաս պատճառելը: Չեմ սիրում չարերին, բայց յուրաքանչյուր չար մարդ ունի իր չարության պատճառը: Հաստատ նա հենց այնպես չի չարացել: Մարդուն հիմնականում կարող են չարացնել անտեսված, չգնահատված լինելը: Զահրատի «Ոխ» բանաստեղծության մեջ, Կիկոն մի անտեսված, չգնահատված անձ էր, ով դրա պատճառով չարացել էր, ուզում էր, որ բոլորը մահանային, իսկ նա մնար: Կիկոն ուզում էր ոչնչացնել բոլոր հայելիները, որ չտեսնի իր մենակությունը:

Հիմա էլ կոչ եմ անում կամ խնդրում, որ երբեք, երբեք ոչ մեկի չանտեսեք, գնահատեք դիմացինի արածը, որպեսզի ինքներդ էլ գնահատվեք: Եղեք հնարավորինս բարի, ու մի՛ եղեք հիշաչար:​